Hərbi Dəniz Qüvvələrində (HDQ) İkinci Dünya müharibəsində alman faşizmi üzərində Qələbənin 69-cu ildönümünə həsr olunmuş tədbir keçirilib.
Tədbirdə Hərbi Dəniz Qüvvələrinin komandir-rəis heyəti, Səbail Rayon Veteran Təşkilatları Şurasının sədri, Sosialist Əməyi Qəhrəmanı Ömər Ağayev, Böyük Vətən müharibəsi veteranı Əli Nəsirov, Səbail Rayon İcra Hakimiyətinin nümayəndələri və başqaları iştirak ediblər.
Tədbirdə "İkinci Dünya müharibəsi və Azərbaycan Böyük Vətən müharibəsi illərində" mövzusunda məruzə dinlənilib. Sonra "Azərbaycan Böyük Vətən müharibəsi illərində" sənədli filmi nümayiş etdirilib.