Müdafiə Nazirliyinin məlumatı
QAZAX
Sərhəd boyunca Ermənistan ərazisində düşmən xeyli texnika və canlı qüvvə toplayır. Gecə sakit keçmişdir.
ZƏNGİLAN
İyulun 25-nə keçən gecə rayonun Seyidlər kəndi Ermənistanın Qafan rayonu ərazisindən avtomat və pulemyotlardan atəşə tutulmuşdur.
CƏBRAYIL
İyulun 24-də saat 18:00-dan 20:00-dək Sur kəndi keçmiş Hadrut rayonu ərazisindən atəşə tutulmuşdur. Təlafat olmamışdır.
AĞDAM
İyulun 24-də saat 21:30-dan başlayaraq Gülablı kəndi Qarakənd istiqamətindən atəşə tutulmuşdur. Ağdam şəhəri və Yuxarı Qarabağla bitişik kəndlərimiz Əsgəran-Xanabad ərazisindən atəşə tutulmuşdur.
TƏRTƏR
İyulun 25-nə keçən gecə Ağdərə ərazisində döyüş əməliyyatları davam etmişdir. Kasapet ətrafındakı yüksəkliklərdən Metsşen və Möhrətaq kəndləri toplardan atəşə tutulmuşdur.