Müdafiə Nazirliyinin məlumatı
Martın 13-də saat 20:40-dan 21:00-dək, martın 14-də isə saat 00:05-dən 01:05-dək Ermənistan Silahlı Qüvvələrinin bölmələri Berd rayonunun Paravakar yaşayış məntəqəsinin şimalındakı və Karmirkar dağının 1 kilometrliyində yerləşən yüksəklikdəki mövqelərindən Azərbaycan Silahlı Qüvvələrinin Ağstafa rayonunun Köhnəqışlaq kəndi sahəsindəki mövqelərini atıcı silahlardan və iriçaplı pulemyotlardan atəşə tutmuşlar.
Cavab atəşi ilə düşmən susdurulmuşdur.
İtki yoxdur.