Bəzi kütləvi informasiya vasitələrində guya Azərbaycan Respublikası Silahlı Qüvvlərinin yüksək rütbəli hərbi qulluqçusunun xarici ölkəyə getməsi ilə bağlı məlumatlar yayılıb.

Mayın 2-də saat 19:00 radələrində cəbhə bölgəsində yerləşən təlim mərkəzində 2 hərbi qulluqçu - əsgər Əhlimanlı Mahir Ərşad oğlu və əsgər Əliyev Pərviz Həsən oğlu təlim zamanı yüngül xəsarət alıb.

Mayın 2-də Azərbaycan Respublikasının Müdafiə naziri general-polkovnik Zakir Həsənov İsrail Dövlətinin Xarici İşlər naziri cənab Aviqdor Libermanın rəhbərlik etdiyi nümayəndə heyətini qəbul edib.

Mayın 4-dən 10-dək Brügge şəhərində (Belçika) "Əməliyyat uğurunun əldə edilməsi məqsədilə effektiv tərəfdaşlığın formalaşdırılması" mövzusunda konfrans, mayın 5-dən 8-dək Minsk şəhərində (Belarus) "Böhranlara cavab əməliyyatlarında tibbi dəstək" mövzusunda mobil təlim qrupu təlimi, mayın 5-dən 9-dək Xaniya şəhərində (Yunanıstan) Dənizdə qadağa əməliyyatlarında birgə fəaliyyət kursu, mayın 5-dən 9-dək Brüssel şəhərində (Belçika) "Tərəfdaş ölkələrin qərargah zabitləri üçün NATO ilə tanışlıq" kursu, Azərbaycan-Böyük Britaniya ikitərəfli əməkdaşlıq proqramına əsasən mayın 5-dən 30-dək Vışkov şəhərində (Çexiya) Kiçik komandirlər üçün liderlik kursu keçiriləcək.

Mayın 3-dən 10-dək Quito şəhərində (Ekvador) Beynəlxalq Hərbi İdman Şurasının 69-cu Baş Assambleyası keçiriləcək.